Wär simer?

Mir si ä Gruppä vo bärner Mutze u basler Bebbi, ganz eifach es paar Fasnächtler wo in Bärn u Umgäbig wohnä. Agfangä het z Ganzä mit es paar Pfifferinne u Pfiffer, Mitglieder vom Tamboureverein Bärn, Basler und Agfrässni, wo aus Schissdräckzügli z Basu Fasnacht hei gmacht. Äso het me später de ä Heiwehbasler-Gruppä gründet.

Im 2018 si d Mutze-Bebbi 40 Jahr aut worde! Zu däm Aalass hei mir ä Jubiläums-Marsch la komponiere, wo am Drummeli 2018 vo dr Rätz-Clique ur-ufgfüehrt worde isch. Ä Ufnahm chasch hie lose:

Mutze-Bebbi Marsch:

Gruppenfoto

Per Zuefau hei d Gründer a dr Zähringerstrass 11a z Bärn ä Ruum mit Parkplätz gfunge, wo sech aus Üebigschäuer eignet. Dr Chäuer het mä igrichtet mit aute Schueuhuuspult, pouschterete Bänk vomene Kafiumbou, schöni Latärnäheugä, ämene Chüuschrank u was schüsch no so aus derzue ghört... früsch renoviert im Summer 2010!