Wär simmer?

Mir sin e Glygge vo bärner Mutze und basler Bebbi, ganz aifach e baar Fasnächtler, wo z’Bärn mee oder weeniger drum umme dien woone. Aagfange hett s’Ganze mit e baar Pfyffere und Pfyffer, Mitgliider vom Tamboureverain Bärn, Basler und Aagfrässeni, wo als Schyssdräggziigli z’Basel Fasnacht gmacht hänn. Esoo hett me speeter denn e Haimweebasler-Glygge grindet.

Im 2018 sinn d'Mutze-Bebbi 40 Joor alt worde! Ze sällem Aaloss hänn mir e Jubiläums-Marsch komponiere loo, wo am Drummeli 2018 vo dr Rätz-Clique ur-uffgfiert worden isch. En Uffnahm kasch doo loose:

Mutze-Bebbi Marsch:

Gruppenfoto

Per Zuefall hänn d'Grinder an dr Zähringerstrass 11a in Bärn e Ruum mit Parkplatz gfunde, wo sich als Glyggekäller gaignet hett. Der Käller hett me yygrichtet mit alte Schuelhuusphult, bolschteredi Bängg vomene Kaffi-Umbau, scheeni Ladäärnehelge an de Wänd, ä Kielschrank und was suscht no alles derzue gheert... frisch renoviert im Summer 2010!